HP7 - Beatbullying - Legoland

星期一同清慶祝生日，去睇哈利波特。

同書差得遠。我覺得套戲0吾係好touching lor. 不過Alan Rickman真係好好戲！話說第七集我最鐘意就係Snape ge故事。有d位，電影要照顧觀眾而加減台詞，令到個mood好0吾同。例如Snape死前叫Harry ‘look at me’, 書只有e一句，但係有睇開HP ge會知道Harry has his mother’s eyes, 所以Snape臨死最後一刻都lum住Lily, 望住her eyes. 但係電影版就要加句‘you have your mother’s eyes’提醒觀眾。又0吾話好大影響，只係將masterpiece降左grade 0甘lor！

最失望係最後Harry大戰Voldemort 0個幕，feel 0吾到震撼，同埋電影將Harry Potter大戰時講0個段說話搬前左，搞到大戰無feel.

=======

星期二去左Beatbullying ge 義工training. 好玩, for a great cause, meaningful. Ice-breaking game其中一條係‘Have you ever met a celebrity?’ 我好興奮0甘同大家講我同Colin Firth握過手！！！

0個晚半即興去睇Wicked，開show前去Pret食0野，未畀＄0個staff就問‘Do you want a free cup of cappuccino?’ 免費ge梗要。

＝＝＝＝＝

星期三去左Windsor Castle同Legoland.

Windsor Castle似Windsor Palace多d wor！d房grand到0羊0甘，都吾係其他castle 0甘ge feel.

抱住鍾意LEGO ge心態去Legoland，去到發現只不過係有lego裝飾ge樂園。D遊戲全部係親子活動，樣樣都要排1hr，最大問題係除左miniland真係同lego有關之外其他野都同lego無特別關係。

話說係巴士上面聽到有個聽口音應該係香港人ge女仔同keoi5兩個fd用純正Chinglish問司機‘This bus 10-15mins can go to Legoland?’